Brynjar Björn í hóp með David Beckham og Xabi Alonso

Brynjar Björn Gunnarsson, leikmaður KR, skoraði ótrúlegt mark gegn Fylkismönnum í gær þegar liðið bar sigur úr býtum 4-1 en leikmaðurinn setti boltann yfir Bjarna Þórð Halldórsson, markvörð Fylkis, frá miðju.

Spánverjinn Xabi Alonso skoraði svipað mark með Liverpool gegn Newcastle árið 2008 sem og David Beckham árið 1996 þegar hann komst fyrst á sjónvarsviðið með Manchester United.

Beckham skoraði þá fyrir aftan miðju gegn Wimbledon í ensku úrvalsdeildinni.

KR vann leikinn 4-1 og getur því tryggt sér Íslandsmeistaratitilinn gegn Blikum á fimmtudaginn.

Hér að ofan má sjá myndband af markinu.