Kettir eru góðir fyrir heilsuna

Sambúð með ketti er heilsubætandi og þá sérstaklega fyrir börn sem þjást af kvíða. Þetta leiðir rannsókn í ljós sem gerð var í New York University Child Study Center.

Harold S. Koplewicz, stofnandi New York University Child Study Center, segir kattahald hafa reynst þunglyndum börnum og unglingum vel í veikindum þeirra.

Koplewicz segir kvíða gjarnan vera undanfara þunglyndis, hann telur að sambúð með ketti hafi jákvæð áhrif á börn sem þjást af kvíða. Ástæðurnar segir hann meðal annars vera þær að skilyrðislaus vinátta dýrsins sé hughreystandi fyrir börn sem eiga í erfiðleikum með að mynda vinasambönd og að leikur við dýrið leiði huga barnsins frá hugsunum sem veki upp kvíða. Einnig er nánd við dýrið róandi fyrir börn sem og fullorðna.