Umferðin farin að þyngjast

Umferð til borgarinnar er farin að þyngjast eftir þessa stærstu ferðahelgi ársins. Þó er minni umferð á þjóðveginum og á sama tíma í fyrra, en slæmt veður um helgina spilar eflaust þar inn í.

Svanur Kristinsson, varðstjóri hjá lögreglunni á Selfossi, segir að umferðin hafi gengið mjög vel það sem af er degi.

„Það hefur ekki verið tilkynnt um nein óhöpp til mín síðan ég byrjaði á vaktinni klukkan sjö í morgun,“ segir hann.

Hann býst við að umferðin fari þó að þyngjast þegar líður á daginn.

„Fólk verður að sýna þolinmæði þegar umferðin fer að þyngjast til borgarinnar. Alls ekki vera að taka séns á einhverjum óþarfa framúrakstri, til þess að komast á sama tíma og bíllinn fyrir aftan sig til borgarinnar, eða hvert sem leiðin liggur,“ segir hann.