Óskynsamleg stefna Evrópusambandsins

Einar K. Guðfinnsson, fulltrúi Sjálfstæðisflokksins, hefur ekki kynnt sér efni skýrslunnar en segist telja að rétt sé að halda áfram framleiðslutengdum stuðningi í landbúnaði. „Að mínu mati er þetta ekki skynsamleg stefna sem Evrópusambandið og ýmis önnur ríki hafa viðhaft, að vera ekki með framleiðslutengingar, sem leiðir til þess að áhugi manna á atvinnuþátttöku slævist. Hitt er alveg ljóst – og það hefur alltaf legið fyrir – að við styðjum hlutfallslega töluvert mikið við okkar landbúnað og fyrir því eru auðvitað ýmsar ástæður; við búum í harðbýlu, dreifbýlu landi. En ýmislegt sem talið er með í þessum stuðningi, og OECD og aðrir slíkir taka með í sínum útreikningum, er í raun tilfærslur innan kerfisins – það má nefna fóðurskattinn, verðjöfnunargjald í mjólkuriðnaði og ýmislegt annað – þannig að það er ekki allt sem sýnist í þeim efnum.“