Mál Wikileaks tekið fyrir í dag

Fyrsta dómsmál Wikileaks gegn kreditkortafyrirtækjum verður flutt í héraðsdómi Reykjavíkur í dag.

Wikileaks hefur undirbúið málssóknir víða um heim vegna þeirrar ákvörðunar VISA, Mastercard, Bank of America, Western Union og Paypal að setja Wikileaks í viðskiptabann. Frá þessu segir Kristinn Hrafnsson blaðamaður í grein í Fréttablaðinu í dag.

Samstarfsaðili Wikileaks, fyrirtækið Data Cell, höfðaði málið hér á landi gegn Valitor. Fyrirtækin gerðu samning um að Valitor tæki við stuðningsframlögum fyrir Wikileaks, en það var aðeins hægt í nokkrar klukkustundir.

- þeb / sjá síðu 19