Ráðuneytið leiðréttir laun

Innanríkisráðuneytið ætlar að leiðrétta kynbundinn launamun í ráðuneytinu. Við jafnlaunaúttekt kom í ljós 2,5 prósent óútskýrður launamunur meðal sérfræðinga ráðuneytisins.Ráðuneytið telur óviðunandi að konur og karlar njóti ekki sömu launa fyrir sömu störf. Þá fagnar ráðuneytið úttektinni sem gefur tækifæri til að leiðrétta þessa skekkju.

Þetta er í fyrsta sinn sem jafnlaunaúttekt er gerð í Stjórnarráðinu. Hún er framkvæmd innan allra ráðuneytanna. Jafnréttisáætlun skyldar ráðuneytin til að kanna árlega hvort kynbundinn launamunur sé fyrir hendi.- bþh