Gunnar Jarl dæmir úrslitaleikinn

Það kemur í hlut Gunnars Jarls Jónssonar að dæma úrslitaleik Borgunarbikars kvenna á Laugardalsvelli á morgun. Honum til halds og trausts verða Halldór Breiðfjörð Jóhannsson og Jóhann Óskar Þórólfsson.

Íslandsmeistarar Stjörnunnar og bikarmeistarar Vals mætast í úrslitaleiknum en þessi lið mættust í úrslitum fyrir tveimur árum. Þá réðust úrslitin á sjálfsmarki Stjörnukvenna snemma leiks.

Leikur Stjörnunnar og Vals á morgun hefst klukkan 16 en upphitun á Stöð 2 Sport og Vísi hefst hálftíma fyrr eða 15.30.