Nýr forseti Frakklands: "Nýtt upphaf fyrir Evrópu og von fyrir heiminn"

Stuðningsmenn Francoise Hollande segja að sigur hans í forsetakosningunum sem fram fóru um helgina marki nýtt upphaf fyrir Frakka.

Francoise Hollande ávarpði stuðningsmenn sína þegar lokatölu lágu fyrir. Hann fékk næstum 18 milljónir atkvæða eða 51,62 %.

„Djúpar gjár hafa myndast, mikil sárindi, of mörg áföll og of mikil sundrung hefur skilið samborgara okkar að. Þetta er að baki núna," sagði Hollande við stuðningsmenn sína við Bastillutorg í gærkvöld.

Síðasti sósíalistinn sem kosinn var forseti frakklands var Francois Mitterrand sem komst til valda árið 1981. Fyrir marga vinstri menn virðist vera heil elífð síðan

„Nýtt skeið er hafið hjá okkur. Ég var 4 ára árið 1981. Ég sá ekki vinstri stjórn við völd en nú sé ég hana koma. Það er yndislegt. Friður mun ríkja," segir Nicolas Trebert, stuðningsmaður Hollande.

Í allri Evrópu er fylgst grannt með gangi mála, en þó líklega hvergi jafnvel og í Þýskalandi, þar sem gott samstarf Angelu Merkel kanslara og hins nýja franska forseta er grundvallaratriði á erfiðum tímum evrunnar.

„Ríkisstjórn okkar verður nú að aðlaga sig að nýjum aðila, óþekktum aðila sem er ekki eins fyrirsjáanlegur fyrir Merkel eins og Sarkozy var," segir Jutta Kramm, aðstoðarritstjóri Berliner Zeitung.

„Ég mun fagna Francois Hollande með opnum örmum hér í Þýskalandi og við munum eiga ítarlegar viðræður því samstarf Frakklands og Þýskalands er afar mikilvægt fyrir alla Evrópu. Þar sem velferð Evrópu er okkur öllum afar mikilvæg hefst samstarfið mjög fljótlega," segir Angela Merkel kanslari Þýskalands.

Hollande segir sjálfur að bjartir tímar séu framundan

„Hinn 6. maí verður stór dagur í sögu þjóðar okkar, nýtt upphaf fyrir Evrópu og ný von fyrir heiminn allan. Þið hafið falið mér að leiða þessa sendiför. Lifi lýðveldið! Lifi Frakkland!"