Logandi dagblöð, veggjakrot og klósett vökvi á bílum

Í morgun var lögreglunni tilkynnt að búið væri að sprauta bláum vökva yfir fjórar bifreiðar í eigu fyrirtækis í á Suðurnesjum. Þetta kom í ljós þegar starfsfólk þess mætti til vinnu. Um reyndist vera að ræða bláan klósett hreinsivökva, þegar nánar var að gáð.

Þá var lögreglu tilkynnt um veggjakrot á tveimur byggingum, strætóskýli og íþróttahúsi í umdæminu.

Loks var kveikt í blaðabunka framan við útidyr að geymslu fjölbýlishúss. Slökkvilið Brunavarna Suðurnesja kom á vettvang og slökkti í bunkanum. Engar sjáanlegar skemmdir hlutust af þessu athæfi, en reykræsta þurfti geymsluhúsnæðið. Málin eru í rannsókn.