Vilanova fer í aðgerð á morgun

Barcelona hefur staðfest að þjálfari liðsins muni fara í aðgerð á morgun. Krabbamein sem fjarlægt var í fyrra tók sig upp á nýjan leik. Í kjölfar aðgerðarinnar mun hann fara í sex vikna lyfjameðferð.

Hann er því augljóslega hættur í bili sem þjálfari Barcelona-liðsins. Ekki liggur fyrir hver taki við liðinu en blaðamannafundur verður hjá félaginu í kvöld. Þar verður væntanlega greint frá því hvað félagið ætlar sér að gera í þjálfaramálunum.

Æxli var fjarlægt úr Vilanova í nóvember í fyrra og hefur hann verið ágætur til heilsunnar síðan. Allt þar til nú og læknar í Barcelona bregðast strax við vandanum.