Enn beðið eftir niðurstöðum lækna vegna andláts á Litla-Hrauni

Enn er beðið eftir niðurstöðum krufningar á andláti fanga sem lést á Litla-Hrauni í maí. Maðurinn, sem var 49 ára gamall, er talinn hafa látist af völdum innvortis blæðinga.

Tveir samfangar hans, Börkur Birgisson og Annþór Kristján Karlsson, voru handteknir og yfirheyrðir vegna málsins. Að lokum voru þeir úrskurðaðir í einangrun vegna málsins.

Til þeirra sást þegar þeir fóru inn í fangaklefann til mannsins en ekki er vitað hvað gerðist inni í klefanum. Nokkrum tímum síðar lést maðurinn.

Samkvæmt upplýsingum frá Ólafi Helga Kjartanssyni, sýslumanni á Selfossi, er unnið af krafti í málinu, og áréttar hann að allir menn séu saklausir uns sekt þeirra er sönnuð.