Lömb drepast daglega

Lömb drepast nú daglega þegar þau verða fyrir bílum á þjóðvegum landsins. Dæmi eru um að allt að þrjú lömb hafi drepist í einu, og stafar vegfarendum líka hætta af þessu.

Bíl var til dæmis ekið á lamb á Grenivíkurvegi, rétt við afleggjarann upp í Víkurskarð í gærkvöldi, og drapst lambið. Þetta var fjórða lambið sem hlýtur þessi örlög á sama stað á skömmum tíma. Þá var ekið á enn eitt lambið á Víkurskarðsvegi , þarna skammt frá, á sjötta tímanum í morgun og drapst það líka. Lögreglan á Vestfjörðum hefur fengið tilkynningar um 18 tilvik í vor þar sem á þriðja tug lamba hefur drepist, þar af þrjú í einu tilviki. Þrátt fyrir að þetta færist í vöxt í ýmsum landshlutum, virðist margt á huldu um skaðabætur vegna þessa, nema hvað bændur munu vera tryggðir fyrir lambadauðanum.

Hinsvegar virðast þeir ekki bera neina ábyrgð á tjóni, sem lömbin geta valdið, til dæmis ef ökumenn missa stjórn á bílum sínum við áreksturinn við þau, og fara útaf. Þá er óljós hver á að halda við girðingum með vegum, sem Vegagerðin hefur sett upp, og svo fer það eftir eftir geðþótta hinna ýmsu sveitarstjórnum hvort lausagöngubann búfjár gildir eða ekki, og óljóst er hvaða hagsmunalega Þýðingu slíkt bann hefur fyrir bændur og ökumenn.