Völva 2013: Ragnhildur Steinunn flytur til Ástralíu

Fer alla leið til Ástralíu Ragnhildur Steinunn Jónsdóttir hverfur af landi brott. Ég sé Ástralíu hjá henni, hún verður erlendis að gera garðinn frægan næstum allt árið. Í einkalífinu má segja að hún setji í bið á meðan.

Selma finnur hamingjuna þegar haustar

Selma Björnsdóttir verður í hálfgerðri kreppu nánast allt árið en október er hennar mánuður og þá fara hjólin að snúast svo um munar bæði í einkalífi og vinnu.

Þórunn Antonía í góðum málum Þórunn Antonía mun breyta um stíl á árinu og verður það henni til góðs. Í hennar einkalífi eru líka góðir hlutir að gerast og ég sé hamingjuna geisla af henni á öllum vígstöðvum.

Þórunn Erna Clausen sér ljósið

Þórunn Erna Clausen slakar á á árinu. Hún verður ekki mikið í sviðsljósinu en vinnur vel í sínum málum bak við tjöldin. Þetta er árið sem hún sér aftur ljósið. Ég held að hún finni sér lífsförunaut sem hún er bættari með að hafa sér við hlið. Maí kemur sterkur inn hjá henni.

Nóg að gera hjá Ólafíu Hrönn

Ólafía Hrönn Jónsdóttir snýr sér að kvikmyndaleik, það er rífandi gangur hjá henni en hún þarf að passa sig að ofgera sér ekki á köflum.

Björk hvílir röddina

Björk Guðmundsdóttir mun hvíla röddina eins og hún getur þetta árið en vinna meira efni sem seinna mun hljóma í eyrum heimsbyggðarinnar. Það er eins og hún geti alltaf fundið upp á einhverju nýju og spennandi.

Mugison rólegur að vanda

Mugison heldur í horfinu. Þetta verður rólegt ár hjá honum, en gott. Hann er að þróa nýjan stíl hjá sér sem á eftir að hafa mikil áhrif á hans gengi til góðs.

Vinsæl systkinin KK og Ellen

Systkinin KK og Ellen munu vinna meira saman á árinu en oft áður og kemur bara gott út úr því. Þau verða störfum hlaðin allt árið. Vinsældir þeirra verða ekki minni en verið hefur.

Nýr þáttur hjá félögunum

Pétur Jóhann Sigfússon og Þorsteinn Guðmundsson koma með nýjan sjónvarpsþátt á árinu sem fær góða dóma hjá ungu fólki en þeir ná ekki að skemmta 40+.

Auddi Blö kvikmyndastjarna

Auðunn Blöndal mun einnig verða á skjánum en líka leika í kvikmynd eða einhverjum þáttum sem lofa góðu fyrir hann.

Ísland í dag stjörnur snúa aftur á skjáinn eftir barneignir Fréttakonurnar á Stöð 2 þær Sigríður Elva og Sigrún Ósk eignast báðar stúlkur á árinu. Það gengur allt vel en margir munu sakna þeirra af skjánum, en þær koma aftur.



Jón heldur áfram að slá í gegn Jón Jónsson, sem nýbúinn er að gera risasamning í Bandaríkjunum, er bara rétt að byrja. Hann er hæfileikaríkur og kann að nota sína hæfileika.

Retro Stefson munu meika það Retro Stefson er hljómsveit sem lendir í ótrúlegum lukkupotti á árinu. Það gerist í júlí. Ég vil ekki segja neitt meira um það að svo stöddu.

Ásgeir Trausti með nýja plötu Ásgeir Trausti mun senda frá sér plötu með haustinu sem hlýtur ekki síðri viðtökur en platan sem kom út á þessu ári. Hann er einn af okkar framtíðarlistamönnum á sviði dægurlagatónlistar.

Völva 2013: Ósætti innan Vesturports.