Meðgönguljóð fæðast 21. nóvember 2012 12:35 Valgerður Þóroddsdóttir, Sveinbjörg Bjarnadóttir og Kári Tulinius. Meðgönguljóð er nýr flokkur bóka úr fórum Frú Stellu. Þar gefst skáldum vettvangur til þess að prófa sig áfram í ljóðagerð og útgáfu. Bækurnar eru handgerðar og hver bók er listaverk en hver bók á að kosta álíka mikið og kaffibolli. „Okkur langaði að gera ljóð aðgengilegri,“ segir Sveinbjörg Bjarnadóttir bókaútgefandi. Hún er eigandi útgáfunnar Frú Stellu, sem sérhæfir sig í fagurbókmenntum. „Við fundum fyrir hræðslu meðal fólks við ljóðalestur. Það þótti okkur leiðinlegt svo við ákváðum að gera eitthvað í málunum.“ Meðgönguljóð eru stuttar ljóðabækur sem eru framleiddar án styrkja. Kostnaði er haldið í lágmarki og miðað við að bækurnar kosti ekki meira en kaffibolli á kaffihúsi. Tvíþætt tækifæri Markhópur ljóðabóka er ekki stór á Íslandi. Sveinbjörg segir því ákveðna áhættu felast í útgáfu þeirra sem forlögin vilji síður taka. „Við ákváðum því að hefja þessa tilraunastarfsemi og gefa höfundum möguleika á að koma efni sínu á framfæri og almenningi tækifæri til að nálgast efnið á góðu verði.“ Nafnið á seríunni vísar í tilgang hennar, sem er að veita ljóðskáldum rými til þreifinga á óþekktum slóðum. Kostnaðinum er haldið í lágmarki með mikilli vinnu útgefenda, því hver einasta bók er handunnin. „Við prentum þetta sjálf, röðum saman og saumum bækurnar í saumavél," segir Sveinbjörg. Upplagið er af þessum sökum ekki stórt, aðeins um 150 eintök. "Hvert eintak er sérmerkt. Við reynum að hafa gripinn dálítið sérstakan þótt hann sé ódýr.“ Fyrsta bókin í flokknum kom út í lok maí á þessu ári. Höfundar hennar, Valgerður Þóroddsdóttir og Kári Tulinius, standa bak við útgáfuna, ásamt Sveinbjörgu. „Viðtökurnar voru mjög góðar, ég held að upplagið sé næstum búið, það eru örfá eintök eftir,“ segir Sveinbjörg en bækurnar eru til sölu í öllum bókabúðum í miðbænum og einnig hjá Kaffifélaginu. „Við viljum endilega fara með þær á fleiri kaffihús. Hugmyndin er nefnilega sú að bækurnar kosti aldrei meira en kaffibolli. Kaffihúsagestir geta því fengið sér kaffi og ljóð með því!“Von á fleiri afkvæmum Næsta ljóðabók kemur út næsta föstudag, þann 23. nóvember. „Við verðum með útgáfuhóf í Máli og menningu klukkan 17 og svo annað í Kunstschlager klukkan 19.“ Ástæða þess er að höfundurinn, Ásta Fanney Sigurðardóttir, er myndlistarkona og sýnir teikningarnar úr bókinni á síðarnefnda staðnum. „Hún gerði teikningar við öll ljóðin í bókinni,“ segir Sveinbjörg og bætir við: „Kannski er réttara að segja að hún hafi gert ljóðin við teikningarnar. Ég veit það ekki, því fyrir henni er þetta ein heild.“ Sveinbjörg segir að nú þegar bíði margir höfundar útgáfu. Í röðinni eru reynsluboltar en einnig óþekkt skáld sem aldrei hafa gefið út áður. „Meðgönguljóðin hafa fengið mjög góðar viðtökur hjá skáldum og meira að segja þeim sem aldrei hafa gefið neitt út áður,“ segir Sveinbjörg sem vonast til að framtakið styrki ljóðamenningu landans. Menning Mest lesið Steldu stílnum af konunum í forsetaframboði Tíska og hönnun Af vængjum fram: „Ég ætla ekkert að fara að gráta hérna“ Lífið Krakkatían: Frambjóðendur, rapparar og ofurhetjur Lífið Fréttatía vikunnar: Forsetakosningar, sjóslys og mýflugnafaraldur Lífið Ásdís Rán býður forsetaefnum á rauða dregilinn Lífið Heitustu trendin fyrir sumarið 2024 Lífið „Blessunarlega ekkert stoppaður af foreldrum mínum“ Tíska og hönnun Hafa ekki sést saman í sjö vikur Lífið Forseti Hæstaréttar og Kristján Loftsson í gámapartýi Lífið „Fengum ekki sjokk, en við fengum sjokk að hann væri með hjartagalla“ Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Meðgönguljóð er nýr flokkur bóka úr fórum Frú Stellu. Þar gefst skáldum vettvangur til þess að prófa sig áfram í ljóðagerð og útgáfu. Bækurnar eru handgerðar og hver bók er listaverk en hver bók á að kosta álíka mikið og kaffibolli. „Okkur langaði að gera ljóð aðgengilegri,“ segir Sveinbjörg Bjarnadóttir bókaútgefandi. Hún er eigandi útgáfunnar Frú Stellu, sem sérhæfir sig í fagurbókmenntum. „Við fundum fyrir hræðslu meðal fólks við ljóðalestur. Það þótti okkur leiðinlegt svo við ákváðum að gera eitthvað í málunum.“ Meðgönguljóð eru stuttar ljóðabækur sem eru framleiddar án styrkja. Kostnaði er haldið í lágmarki og miðað við að bækurnar kosti ekki meira en kaffibolli á kaffihúsi. Tvíþætt tækifæri Markhópur ljóðabóka er ekki stór á Íslandi. Sveinbjörg segir því ákveðna áhættu felast í útgáfu þeirra sem forlögin vilji síður taka. „Við ákváðum því að hefja þessa tilraunastarfsemi og gefa höfundum möguleika á að koma efni sínu á framfæri og almenningi tækifæri til að nálgast efnið á góðu verði.“ Nafnið á seríunni vísar í tilgang hennar, sem er að veita ljóðskáldum rými til þreifinga á óþekktum slóðum. Kostnaðinum er haldið í lágmarki með mikilli vinnu útgefenda, því hver einasta bók er handunnin. „Við prentum þetta sjálf, röðum saman og saumum bækurnar í saumavél," segir Sveinbjörg. Upplagið er af þessum sökum ekki stórt, aðeins um 150 eintök. "Hvert eintak er sérmerkt. Við reynum að hafa gripinn dálítið sérstakan þótt hann sé ódýr.“ Fyrsta bókin í flokknum kom út í lok maí á þessu ári. Höfundar hennar, Valgerður Þóroddsdóttir og Kári Tulinius, standa bak við útgáfuna, ásamt Sveinbjörgu. „Viðtökurnar voru mjög góðar, ég held að upplagið sé næstum búið, það eru örfá eintök eftir,“ segir Sveinbjörg en bækurnar eru til sölu í öllum bókabúðum í miðbænum og einnig hjá Kaffifélaginu. „Við viljum endilega fara með þær á fleiri kaffihús. Hugmyndin er nefnilega sú að bækurnar kosti aldrei meira en kaffibolli. Kaffihúsagestir geta því fengið sér kaffi og ljóð með því!“Von á fleiri afkvæmum Næsta ljóðabók kemur út næsta föstudag, þann 23. nóvember. „Við verðum með útgáfuhóf í Máli og menningu klukkan 17 og svo annað í Kunstschlager klukkan 19.“ Ástæða þess er að höfundurinn, Ásta Fanney Sigurðardóttir, er myndlistarkona og sýnir teikningarnar úr bókinni á síðarnefnda staðnum. „Hún gerði teikningar við öll ljóðin í bókinni,“ segir Sveinbjörg og bætir við: „Kannski er réttara að segja að hún hafi gert ljóðin við teikningarnar. Ég veit það ekki, því fyrir henni er þetta ein heild.“ Sveinbjörg segir að nú þegar bíði margir höfundar útgáfu. Í röðinni eru reynsluboltar en einnig óþekkt skáld sem aldrei hafa gefið út áður. „Meðgönguljóðin hafa fengið mjög góðar viðtökur hjá skáldum og meira að segja þeim sem aldrei hafa gefið neitt út áður,“ segir Sveinbjörg sem vonast til að framtakið styrki ljóðamenningu landans.
Menning Mest lesið Steldu stílnum af konunum í forsetaframboði Tíska og hönnun Af vængjum fram: „Ég ætla ekkert að fara að gráta hérna“ Lífið Krakkatían: Frambjóðendur, rapparar og ofurhetjur Lífið Fréttatía vikunnar: Forsetakosningar, sjóslys og mýflugnafaraldur Lífið Ásdís Rán býður forsetaefnum á rauða dregilinn Lífið Heitustu trendin fyrir sumarið 2024 Lífið „Blessunarlega ekkert stoppaður af foreldrum mínum“ Tíska og hönnun Hafa ekki sést saman í sjö vikur Lífið Forseti Hæstaréttar og Kristján Loftsson í gámapartýi Lífið „Fengum ekki sjokk, en við fengum sjokk að hann væri með hjartagalla“ Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira