Byssubrandurinn Burress snýr aftur

Það eru mikil meiðsli í herbúðum NFL-liðsins, Pittsburgh Steelers, þessa dagana og liðið hefur nú samið við gamla brýnið Plaxico Burress.

Hinn 35 ára gamli Burress var fyrstu fimm ár ferilsins hjá Steelers en hann var valinn áttundi í nýliðavalinu árið 2000.

Hann fór þaðan yfir til NY Giants og greip sigursendinguna í Super Bowl árið 2008.

Ferillinn fór svo í vaskinn er hann skaut sjálfan sig í fótinn á næturklúbbi í New York. Hann lenti í fangelsi vegna málsins.

Hann var síðast á mála hjá NY Jets og hefur eytt síðasta ári í að leita að vinnu án árangurs.