Töluvert um innbrot í borginni

Töluvert var um innbrot á höfuðborgarsvæðinu í nótt en lögreglan var meðal annars kölluð að tveimur heimilum í Kópavogi.

Á öðrum staðnum höfðu óprúttnir menn látið greipar sópa og stolið meðal annars fartölvu og Ipod. Á hinum staðnum höfðu þjóðfarnir stolið fartölvu og gjaldeyri. Hvort um sömu menn sé að ræða, er ekki vitað.

Þá stöðvaði lögreglan á höfuðborgarsvæðinu tvo ökumenn í austurhluta borgarinnar en þeir áttu það sameiginlegt að hafa hvorugur ökuréttindi. Annar hafði reyndar aldrei fengið þau en hinn hafði misst réttindin vegna umferðarlagabrota. Báðir mega búast við himinhárri sekt.