Aðeins dregur úr leitinni fyrir norðan í dag

Aðeins mun draga úr umfangi fjárleitarinnar á Norðausturlandi í dag frá því sem verið hefur.

Í tilkynningu frá Almannavörnum segir að leitin í gær hafi gengið eftir áætlun og að í dag verði stefnt að því að hvíla þá leitarmenn sem hafa verið á vettvangi alla vikuna. Um tvöhundruð björgunarsveitarmenn voru að störfum í gær.

Fjöldahjálparstöð Rauða krossins á Stóru-Tjörnum verðu opin í dag en stöðinni í Reykjahlíðarskóla verður lokað.

Hvað rafmagnsmálin varðar var stefnt að því að allra síðustu bæirnir kæmust í samband á ný í gærkvöldi.