Suðurstrandarvegur verður sá snjóþyngsti SV-lands

Suðurstrandarvegur, sem verður formlega opnaður í dag, verður snjóþyngsti vegur á Suðvesturlandi, að mati ónefnds sérfræðings í mannvirkjagerð.

Hann segir að vegurinn sé víðast hvar 40 til 60 sentímetrum of lágur og svo sé hann víða skorinn ofan í landslagið til að draga úr mishæðum á veginum sjálfum. Sneiðingurinn niður að veginum sé hinsvegar allt of nálægt veginum sjálfum, þannig að snjór muni safnast á veginn í minnsta skafrenningi, eins og glöggt hafi komið í ljós í vetur.

Kostnaður við veginn, sem liggur á milli Grindavíkur og Þorlákshafnar, er um það bil þrír milljarðar króna.