Innlent

Verið að gera stjórnvöld að blóraböggli

Karen Kjartansdóttir skrifar
Sjávarútvegsráðherra segir Vinnslustöðina í Vestmannaeyjum reyna að gera stjórnvöld að blóraböggli í rekstravanda fyrirtækisins. Útskýringar stjórnenda gangi ekki upp.



Steingrímur J. Sigfússon segir það ekki sitt hlutverk að svara fyrir rekstrarvanda fyrirtækja. Hann segir að margar útskýringar Vinnslustöðvarinnar gangi ekki upp.



Ef ég man nú rétt þá bætti Vinnslustöðin þessu skipi Gandi við sig fyrir um tveimur árum þannig maður veltir fyrir sér hvort það hafi verið næg verkefni fyrir það," segir Steingrímur.



Hann segir fyrirtækið hafa mikla hlutdeild í makrílkvóta og það komi honum spánskt fyrir sjónir að talað sé um skerðingar í þorskkvóta á næsta ári því ekki sé búið að gefa út veiðiheimildir fyrir næsta ár en útlit sé fyrir að auking verði í mörgum veiðiheimildum sem myndi gagnast Vinnslustöðinni.



„Þannig að ég fæ nú þessar skýringar ekki alveg til að ganga upp. Mér finnst þetta lykta af því að fyrirtækið sé að reyna að gera stjórnvöld að blóraböggli fyrir einhverju sem séu nú bara aðstæður í rekstri þessa fyrirtækis sem þar sé verið að takast á við," segir Steingrímur.



En Vinnslustöðin hefur bent á að veiðgjöldin hafi það í för með sér að ekki borgi sig lengur að veiða uppsjávarfisk á borð við gulllax og grálúðu.



"Ég minni nú á að á endanum voru verulegar tilslakanir í upphafi veiðigjaldsins sem tekur mið af raunverulegum afkomu- og framlegðartölum í sjávarútveginum undanfarin misseri en þar hefur afkoman verið mjög góð. Þannig það eitt og sér ætti ekki að gera það að verkum, ef traustar forsendum hafa verið fyrir rekstrinum fyrir, að þá þurfi að fara út í svona aðgerðir. En við höfum svo sem heyrt tóninn í þeim áður og það kemur mér ekki á óvart að þeir reyni að kenna þessu um," segir Steingrímur.

Tengd skjöl


Tengdar fréttir

„Þetta er gríðarlega þungt högg fyrir okkur"

"Þetta er gríðarlega þungt högg fyrir okkur. Það sem er kannski verst er að sjá þennan helkalda veruleika berast fyrir framan sig eftir að hafa fengið það ítrekað í andlitið frá þingmönnum að við séum að stunda hræðsluáróður."



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.