Guardiola: Ég mun þjálfa á ný ef einhverju liði tekst að tæla mig

Pep Guardiola, þjálfari Barcelona, stýrir liðinu í síðasta sinn í kvöld þegar Barcelona mætir Athletic Bilbao í úrslitaleik spænsku bikarkeppninnar. Barcelona getur þarna unnið sinn fjórtánda titil undir stjórn Guardiola en hann tilkynnti á dögunum að hann ætlaði að taka sér hvíld frá þjálfun.

„Ég mun fagna því að heyra í áhugasömu félögum en ekki fyrr en eftir nokkra mánuði því fyrst þarf ég að hlaða batteríin og endurhlaða heilann," sagði Pep Guardiola á blaðamannafundi fyrir bikarúrslitaleikinn.

„Ég ætla að hvíla mig og síðan mun ég bara bíða rólegur. Ef eitthvert félag vill fá mig þegar ég er búinn að hlaða batteríin og ef þeim tekst að tæla mig þá mun ég þjálfa á ný," sagði Guardiola.