Frelsisturninn rís í New York

Alþjóðlega fyrirtækið EarthCam hefur birt líðandi myndband þar sem bygging One World Trace Center er sýnd.

Turninn stendur á sömu lóð og tvíburaturnarnir stóðu á og er byggingin nú orðin sú hæsta í New York borg eða tæpir 400 metrar.

Talsmaður Port Authority, félagsins sem á lóðina sem turninn stendur á, segir að One World Trace Center sé sannarlega mikið afrek og í raun verkfræðilegt undur.

Fullkláraður mun turninn gnæfa yfir New York í 540 metra hæð.

Myndbandið sem EarthCam birti nýlega sýnir þróun One World Trade Center frá því að bygging hans hófst. Hægt er að sjá myndbandið hér fyrir ofan.