Símaviðtal við Fanneyju: Tók sín fyrstu skref í dag

Hin 19 ára Fanney Þorbjörg Guðmundsdóttir stóð upp úr hjólastólnum og tók sín fyrstu skref í dag eftir að hafa lent í alvarlegu skíðaslysi í Noregi á aðfangadag.

Bati hennar gengur hraðar en nokkur gerði ráð fyrir enda bentu fyrstu fréttir til þess að Fanney myndi jafnvel ekki ganga framar.

Þessi einstaklega jákvæða keppnismanneskja sagðist ekki eiga til orð yfir það hversu heppin hún væri þegar við heyrðum í henni í dag.

Fanney hefur sett sér það markmið að komast heim til Íslands í lok mars og hún ætlar sér að útskrifast úr menntaskólanum ytra í vor líkt og áætlanir gerðu ráð fyrir, ótrúleg.

Hægt er að horfa á umfjöllun Íslands í dag með því að smella á hlekkinn hér að ofan.