Geir ákærður mjög fljótlega

Ákæra saksóknara Alþingis á hendur Geir H. Haarde er nálægt því að vera tilbúin og verður þingfest mjög fljótlega fyrir landsdómi, að því er fram kom á fundi saksóknarans Sigríðar Friðjónsdóttur með saksóknarnefnd Alþingis í gær.

Þar kom fram að ef það tækist ekki fyrir páska, sem væri hæpið, yrði það strax eftir páska.

Sigríður var nýverið skipuð í embætti ríkissaksóknara og hefur það vakið spurningar um framtíð hennar saksóknara Alþingis. Á fundinum í gær lýsti hún þeirri skoðun sinni að hún gæti vel sinnt báðum störfum samtímis úr því að málið gegn Geir væri þetta langt komið.

„Og við gerum ekki athugasemdir við það,“ segir Margrét Tryggvadóttir, varaformaður nefndarinnar.- sh