Fyrrum fyrirliði varaliðs Man. Utd til reynslu hjá Fram

Framarar hafa fengið Sam Hewson til reynslu en þessi strákur kemur úr akademíu Man. Utd og var fyrirliði varaliðs Man. Utd um tíma.

Hewson kom til Man. Utd þegar hann var tíu ára gamall og var greinilega í talsverðum metum hjá félaginu fyrst hann var fyrirliði U-18 ára liðsins og síðar varaliðsins.

Miðjumaðurinn var í leikmannahópi United er það mætti Roma í Meistaradeildinni árið 2007.

Hann lék með Altringham á síðasta tímabili þar sem hann spilaði 19 leiki og skoraði eitt mark. Hann var í láni hjá Hereford United og Bury árin þar á undan.