Innlent

Séra Vigfús Þór tjáir sig ekki um skýrsluna

Mynd/Stefán Karlsson
Séra Vigfús Þór Árnason, sóknarprestur í Grafarvogi, tjáir sig ekki um þær athugasemdir sem gerðar eru við framgöngu hans í biskupsmálinu í skýrslu rannsóknarnefndar kirkjuþings. Skýrslan var opinberuð í dag.

Í samtali við fréttastofu sagðist Vigfús hafa tekið þá ákvörðun að tjá sig ekki um skýrsluna fyrr en séra Karl Sigurbjörnsson, biskup, hefði tjáð sig um málið. Þær upplýsingar fengust frá Biskupsstofu í dag að séra Karl ætli mun ekki að tjá sig fyrr en á auka kirkjuþingi sem boðað hefur verið til á þriðjudag.

Sigrún Pálína Ingvarsdóttir, fórnarlamb Ólafs Skúlasonar, leitaði til Vigfúsar sem sálusorgara árið 1995 og greindi honum frá því hvað Ólafur hafði gert henni. Í skýrslu rannsóknarnefndarinanr segir að Vigfús hafi ekki upplýst Sigrúnu um tilvist nýstofnaðarar Siðanefndar Prestafélagsins. Í skýrslunni kemur einnig fram að Vigfús hafi ekki hugað að skyldum sínum gagnvart Sigrúnu þegar

hann hann lýsti opinberlega yfir stuðningi við Ólaf nokkrum mánuðum eftir að Sigrún leitaði til hans.

Skýrslu rannsóknarnefndarinnar er hægt að lesa hér.


Tengdar fréttir

Karl gerði mistök í máli Guðrúnar Ebbu

Rannsóknarnefnd Kirkjuþings kemst meðal annars að þeirri niðurstöðu að Karl Sigurbjörnsson biskup hafi orðið á mistök sem forseti kirkjuráðs varðandi úrlausn mála Guðrúnar Ebbu Ólafsdóttur varðandi erindi sem hún sendi í mars 2009 vegna meintra kynferðisbrota föður síns, Ólafs Skúlasonar.

Ólafur með ráðandi persónuleika - dró kirkjunnar menn í dilka

Persónuleiki Ólafs Skúlasonar, þáverandi biskups, hafði mikil áhrif á viðbrögð kirkjunnar manna þegar Ólafur var sakaður um kynferðisbrot árið 1996. Þetta kemur fram í skýrslu rannsóknarnefndar kirkjuþings sem birt var í morgun. "Þá verður ráðið af framburði þeirra sem fyrir nefndina komu að áhrif Ólafs Skúlasonar á samstarfsmenn sína og aðra starfsmenn kirkjunnar voru verulega mikil. Biskupinn hafi verið með mikinn og ráðandi persónuleika, hann hafi farið sínu fram og óhikað látið í ljósi afstöðu sína um stöðu málsins. Menn hafi verið dregnir í dilka sem annaðhvort "með honum eða á móti". Hafi hann þannig með framgöngu sinni haft mótandi áhrif á aðgerðir einstaklinga sem að málinu komu, hvort sem er á vettvangi kirkjuráðs, Prófastafélags Íslands eða stjórnar Prestafélags Íslands," segir í skýrslunni.

Sigrún Pálína vill að Karl víki sem biskup

Sigrún Pálína Ingvarsdóttir, fórnarlamb Ólafs Skúlasonar, lítur ekki á niðurstöður skýrslu rannsóknarnefndar kirkjuþings sem gleðitíðindi. Hún segist hafa beðið eftir þessari niðurstöðu í yfir þrjátíu ár og sorglegt sé að núverandi biskup skuli ekki taka ábyrgð á gjörðum sínum.

Séra Karl Sigurbjörnsson tjáir sig ekki

Biskup Íslands, séra Karl Sigurbjörnsson, ætlar ekki að tjá sig um skýrslu rannsóknarnefndar kirkjuþings fyrr en eftir fjóra daga. Fréttastofa óskaði eftir viðtali við Karl í ljósi þess að í skýrslunni kemur fram að hann hafi brugðist á margan hátt og gert mistök þegar biskupsmálið svokallaða kom upp árið 1996 þegar séra Ólafur Skúlason, þáverandi biskup, var sakaður um kynferðisbrot. Þá kemst nefndin að þeirri niðurstöðu að viðbrögð presta og annarra starfsmanna kirkjunnar þegar málið kom upp hafi einkennst af ráðaleysi og skorti á faglegum og vönduðum vinnubrögðum. Kirkjuþing verður haldið á þriðjudag og munu kirkjunnar menn ekki tjá sig um skýrsluna fyrr en þá. Uppgefin rök eru þau að skýrslan hafi fyrst verið birt í morgun og að menn þurfi tíma til að fara yfir hana.

Mest lesið


Fleiri fréttir

Sjá meira


×

Mest lesið