Innlent

Gosmökkurinn sést víða

Mynd/HSB
Gosmökkurinn frá Grímsvötnum í Vatnajökli sést víða og hefur risið hratt frá því að hans varð vart. Íbúar á Selfossi, Laugarvatni og Flúðum eru meðal þeirra sem haft hafa samband við fréttastofu síðustu mínútur. Samkvæmt sjónarvottum á Flúðum er mökkurinn dökkur neðst en að mestu hvítur. Samkvæmt tilkynningu frá almannavörnum sést mökkurinn einnig frá Skaftafelli, Vík og víðar á Suðurlandi.

Í kvöld verður flogið með vísindamenn yfir svæðið og aðstæður kannaðar. Víðir Reynisson, hjá almannavörnum Ríkislögreglustjóra, segir í samtali við Vísi ómögulegt að segja til um það hversu mikið gosið er. Síðast gaus í Grímsvötnum árið 2004.

Vísir segir frekari fréttir af gangi mála þegar þær berast.



Helstu fréttir

Tengdar fréttir

Eldgos að hefjast í Grímsvötnum

Á sjöunda tímanum í kvöld komu fram merki á jarðskjálftamælum um að eldgos gæti verið að hefjast eða er hafið í Grímsvötnum í Vatnajökli. Samhæfingarstöðin í Skógarhlíð hefur verið virkjuð vegna þessa. Frekari upplýsingar verða gefnar um leið og þær berast, að því er fram kemur í tilkynningu frá almannavörnum

Eldgos í Grímsvötnum staðfest

„Það sést til gosmakkar. Þannig að það er staðfest að eldgos er hafið," segir Víðir Reynisson, hjá almannavörnum Ríkislögreglustjóra, í samtali við Vísi. Hann segir ómögulegt að segja til um það hversu mikið gosið er.

Mest lesið


Fleiri fréttir

Sjá meira


×

Mest lesið