Stórafmæli hjá Sundsambandinu

Sundsamband Íslands fagnar 60 ára afmæli sínu í dag og er vel við hæfi að sundþing sé sett á þessum merka afmælisdegi sambandsins.

Það verður mikið um að vera á þinginu og alls munu 46 einstaklingar verða heiðraðir á þinginu.

Í tilefni tímamótanna mun verða útnefndur heiðursfélagi SSÍ og 15 einstaklingar munu fá gullmerki sambandsins fyrir gifturíkt starf á vettvangi sundhreyfingarinnar. 28 einstaklingar munu síðan fá silfurmerki.

Heildarvelta Sundsambandsins á síðasta ári var 26 milljónir króna og hagnaður örlítill. Tveggja mílljóna króna tap var á rekstri sambandsins árið 2009.

Vísir óskar Sundsambandinu til hamingju með daginn.