Kim Kardashian vakti athygli fyrir skrýtin skilaboð á Twitter-samskiptasíðunni yfir hátíðirnar. Hún sendi til dæmis dúkkunni Barbie nokkur skilaboð á jóladag, en Barbie er að sjálfsögðu á Twitter.
Raunveruleikastjarnan óskaði Barbie meðal annars gleðilegra jóla og bætti svo um betur og spurði hvað dúkkan hefði fengið frá Ken í jólagjöf.
Að endingu sendi Kardashian Barbie þau skilaboð að þær ættu nú að hittast og versla saman á nýju ári.
Notendur Twitter fylgdust furðulostnir með skilaboðaflóði Kardashian á jólunum og voru flestir með þá kenningu að raunveruleikastjarnan hefði verið aðeins of einmana yfir hátíðirnar enda nýskilin.
Sendi Barbie skilaboð
