Innlent

Rostungur í Flateyjardal

Frá Flateyjardal. Rostungar eru friðaðir. Mynd/www.skarpur.is
Frá Flateyjardal. Rostungar eru friðaðir. Mynd/www.skarpur.is
„Þetta var ógleymanlegt að standa þarna fáeina metra frá þessari gríðarlegu skepnu og mynda hana í krók og kring, vitandi það að ekki mjög margir hafa fengið slíkt tækifæri hérlendis," sagði ljósmyndarinnar Víðir Pétursson sem tók fyrr í dag myndir af rostungi sem flatmagaði í fjörunni í Flateyjardal. Fjallað er um málið á þingeyska fréttamiðlinum Skarpur.is.

Það var Stefán Guðmundsson, hjá Gentle Giants á Húsavík, sem varð var við skepnuna í gær og stóð fyrir leiðangri í morgun til að leita rostunginn uppi og kanna ástand hans. Með í för var meðal annars Vignir Sigurólason, dýralæknir.

„Vel gekk að finna rostunginn sem lá hinn makindalegasti í þangbreiðu í fjörukambinum. Og hann lét aðkomumenn ekkert trufla sig þó þeir stæðu í 2ja metra fjarlægð frá honum. Vignir kannaði ástand skepnunnar og kom ljós að hún var með opið sár á skrokknum, sem Vignir taldi þó ekki alvarlegt," segir á Skarpur.is.

Þar segir ennfremur: „Menn voru undir það búnir að aflífa rostunginn ef hann væri mjög illa farinn, að fengnum nauðsynlegum leyfum, en frá því var horfið, enda þessi dýr alfriðuð og ástand rostungsins það gott að mati dýralæknisins."



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.