Æsispennandi lokaumferð í 1. deildinni

Klukkan 14.00 fer fram lokaumferðin í 1. deild karla í knattspyrnu. Lokaumferðin verður æsispennandi en Leiknir og Þór berjast um að fylgja Víkingi upp í Pepsi-deildina.

Leiknir á þrjú stig á Þór og dugar því jafntefli gegn Fjölni í dag til þess að komast upp. Þór þarf aftur á móti að vinna Fjarðabyggð og treysta síðan á Fjölnismenn.

Leikurinn hjá Þór verður þó ekki auðveldur því Fjarðabyggð er í gríðarlegri fallbaráttu. Njarðvík er fallið og annað hvort Grótta eða Fjarðabyggð mun fylgja Njarðvík niður.

Þau eru bæði með 17 stig en Fjarðabyggð með betri markatölu.

Leikir dagsins:

Leiknir-Fjölnir

Þór-Fjarðabyggð

Víkingur-HK

Njarðvík-Grótta

ÍA-KA

Þróttur-ÍR