Hugsar sinn gang

Tímaritið The National Enquirer heldur því fram að leikkonan Sandra Bullock sé að íhuga hvort hún geti í raun fyrirgefið fyrrum eiginmanni sínum hliðarspor hans.

„Ég held hún hafi fyrirgefið Jesse og sakni þess að vera með honum, sérstaklega nú þegar Louis er kominn inn í líf þeirra. Sandra heldur að hún verði aldrei frjáls nema hún finni styrk til að fyrirgefa Jesse. Það tekur sinn toll að halda í reiðina og Sandra er orðin þreytt," var haft eftir heimildarmanni sem telur að Sandra íhugi nú að fresta skilnaðinum þar til hún hafi hreinsað huga sinn.

„Hana langar í eðlilegt fjölskyldulíf og hefur frestað skilnaðinum. Jesse veit þó að Sandra gæti skipt aftur um skoðun hvenær sem er."

Upp komst um framhjáhald eiginmanns Söndru stuttu eftir að hún hlaut Óskarsverðlaunin fyrir leik sinn í myndinni The Blind Side.