Tveir tölvuþrjótar handteknir vegna Wikileaks-árásanna

Tveir menn hafa verið handteknir í Hollandi grunaðir um að hafa tekið þátt í árás hakkara á heimasíður Visa, Mastercard og fleiri fyrirtækja sem slitu viðskiptum við Wikileaks.

Árásin var skipulögð af hópi sem kallar sig Anonymous.

Mennirnir eru 19 ára og 16 ára en sá yngri hefur þegar viðurkennt aðild sína.

Hátt í 4000 hakkarar tóku þátt í árásunum sem urðu til þess að heimasíður fyrirtækjanna lágu niðri fyrir helgi.

Anonymous hefur tilkynnt að fleiri árásir verði ekki gerðar í bili.