Jackson leikstýrir Hobbitanum - mögulega, kannski, vonandi

Svo getur farið að Peter Jackson leikstýri Hobbitanum í stað hins mexíkóska Guillermo del Toro. Jackson leikstýrði Lord of the Ring-myndunum þremur með flottum árangri og er einn af handritshöfundum Hobbitans, sem gerist á undan Lord of the Rings.

Del Toro hætti við að leikstýra myndinni vegna tafa hjá framleiðandanum Warner Bros.

Ef enginn leikstjóri fæst í staðinn er Jackson tilbúinn að hlaupa í skarðið. „Ef ég þarf að gera þetta til að vernda fjárfestingu Warner Bros þá er ég tilbúinn til að skoða það," sagði Jackson.