Sóley Tómasdóttir skipaði flokksmanni að sitja hjá úr pontu

Borgarfulltrúi Vinsti grænna, og komandi oddviti borgarstjórnarlistans, Sóley Tómasdóttir, skipaði Hermanni Valssyni að sitja hjá í atkvæðagreiðslu á borgarstjórnarfundi í dag.

Málið vakti athygli borgarfulltrúar sem þar sátu en atvikið átti sér stað í nafnakalli vegna frávísunartillögu um tillögu Ólafs F. Magnússonar, borgarfulltrúar óháðra, um sameiningu sveitarfélaganna Reykjavíkur og Álftanes.

Þegar kom að Hermanni, sem er varaborgarfulltri, þá var hann spurður um afstöðu til málsins. Hann svaraði þá já. Spurður hvort hann væri sammála því að vísa málinu frá leiðrétti hann sig skyndilega og sagðist hafa ætlað að segja nei.

Þá sagði Sóley, sem var ritari fundarins og taldi atkvæðin, við Hermann: „Við skulum sitja hjá.“

Hermann á þá að hafa endurtekið svar sitt hátt og skýrt: Ég segi nei.

Þar með greiddi hann atkvæði með Ólafi F. gegn frávísunartillögunni sem var engu að síður samþykkt af meirihluta borgarfulltrúanna.

Þegar haft var samband við ÓIaf sagðist hann hissa á framkomu Sóleyjar gegn eigin flokksmanni og spyr hvort menn hafi ekkert fundarfrelsi til þess að greiða atkvæði eins og þeir kjósi innan Vinstri grænna.

„Ég hef ekki séð annað eins síðan ég tók sæti í borgarstjórn," sagði Ólafur sem þykir flokksagi Sóleyjar hneisa fyrir samflokksmenn hennar.

Eftir að Hermann greiddi atkvæði yfirgaf hann fundinn og Þorleifur Gunnlaugsson, borgarfulltrúi, tók hans sæti.