Ljóð í Norræna húsinu

Í tilefni stofnunar Menningarsjóðsins Kína-Ísland verður haldið ljóðaþing í Norræna húsinu 4. til 7. október. Á þinginu koma fram sex ljóðskáld frá Kína, tvö frá Japan auk fulltrúa frá hverju Norðurlandanna. Fjögur íslensk skáld taka þátt að þessu sinni og eru þau: Sigurbjörg Þrastardóttir, Sigurður Pálsson, Ingibjörg Haraldsdóttir og Vilborg Dagbjartsdóttir.

Dagskrá ljóðþingsins stendur yfir í þrjá daga og býður upp á úrval viðburða s.s. hádegisfyrirlestra, ljóðakvöld og málþing. Össur Skarphéðinsson utanríkisráðherra setur hátíðina ásamt kínverska ljóðskáldinu og athafnamanninum Huang Nubo í dag.