Í skýjunum yfir kynþokkanum

Mad Men stjarnan Christina Hendricks, 35 ára, er vægast sagt mjög stolt af því að vera talin kyntákn og fyrirmynd kvenna en hún er lofuð fyrir mjúkar línur og kynþokka í fjölmiðlum vestan hafs.

„Ég er í skýjunum yfir því að vera talin kynþokkafull. Ögrandi eða fleginn fatnaður er alls ekki nauðsynlegur til að ná fram kynþokka. Kynþokkinn kemur innan frá," lét Christina hafa eftir sér.

Christina segist þó eiga fátt sameiginlegt með karakternum Joan Holloway sem hún leikur í Mad Men sjónvarpsþáttunum sem sýndir eru á Stöð 2.