Tjáir sig um elsta soninn

Leikarinn Michael Douglas hefur tjáð sig opinberlega um vandræðin í tengslum við elsta son sinn, Cameron.

Hann var dæmdur í fimm ára fangelsi á dögunum eftir að hafa játað að hafa stundað eiturlyfjasölu. Faðir hans var viðstaddur réttarhöldin ásamt fyrrverandi eiginkonu sinni, Diöndru, og voru þau eðlilega í miklu uppnámi meðan á þeim stóð.

„Ég hef lent í miklu andstreymi vegna elsta sonar míns en vonandi eru þau mál leyst. Vonandi verður hann í góðum málum eftir nokkur ár," sagði leikarinn. Nýjasta mynd hans er framhaldsmyndin Wall Street 2 sem margir bíða spenntir eftir.