Hjaltalín og Sinfó bæta við þriðju tónleikunum

Miðasala á tónleika Hjaltalín og Sinfóníuhljómsveitar Íslands í Háskólabíó hefur farið fram úr björtustu vonum. Í fyrstu var ráðgert að halda eina tónleika 16. júní en þegar þeir seldust nánast upp á mettíma var aukatónleikum bætt við 18. júní.

Það sama gerðist í miðasölu á aukatónleika. Miðarnir ruku út og aðeins örfá sæti eru eftir. Því er búið að bæta við þriðju tónleikunum og verða þeir haldnir laugardagskvöldið klukkan 20. Miðar á tónleikana eru nú komnir í sölu hér á vef Sinfóníuhljómsveitarinnar.

Hátt í 100 manns verða á sviðinu í Háskólabíó þessi kvöld þannig að búast má við kraftmiklum og litríkum tónleikum.

Hér er myndband við lagið Traffic Music af fyrri plötu Hjaltalín.