Ronaldinho fer ekki frá Milan í janúar

Brasilíumaðurinn Ronaldinho fullyrðir að hann muni ekki fara frá AC Milan í janúar þó svo hann hafi verið að gefa franska liðinu PSG undir fótinn.

Ronaldinho sagði við franska fjölmiðla að hann gæti vel hugsað sér að enda ferilinn hjá PSG og ítalskir fjölmiðlar voru fljótir að velta því upp að hann væri að undirbúa brottför strax í janúar.

"Ég mun svo sannarlega ekki yfirgefa félagið í janúar. Mér líður vel hjá Milan og hef mikla trú á forseta félagsins. Við sjáum hvað gerist síðar," sagði Ronaldinho sem er spenntur fyrir því að fá Kaká aftur til félagsins.

"Kaká skapaði söguna hjá félaginu og hann er meira en velkominn."