Íslenska þjóðin hlaut heiðursverðlaun íslensku kvikmynda- og sjónvarpsakademíunnar árið 2010 við afhendingu Edduverðlaunanna á laugardaginn var.
Margrét Hallgrímsdóttir þjóðminjavörður tók í dag við styttunni sem verður höfð til sýnis í anddyri Þjóðminjasafns Íslands, þar sem verðlaunahafar - Íslendingar allir - geta skoðað hana og tekið myndir af sér með gripinn.
Verðlaunin eru veitt með kæru þakklæti fyrir dyggan stuðning við íslenskan kvikmynda- og sjónvarpsiðnað í gegnum tíðina. Heiðursskjal er hægt að nálgast á heimasíðu Eddunnar, www.eddan.is eða í anddyri Þjóðminjasafnsins.
