Algjört klúður í lokin og annað jafnteflið í röð á EM

Íslenska karlalandsliðinu í handbolta tókst að klúðra unnum leik annan leikinn í röð á Evrópumótinu í Austurríki þegar liðið gerði 37-37 jafntefli við Austurríki.

Íslenska liðið var með boltann og tveimur mörkum yfir þegar aðeins 30 sekúndur voru eftir af leiknum en gerðu hver mistökin á fætur öðrum á lokasekúndunum og lærisveinum Dags Sigurðssonar tókst að tryggja sér jafntefli.

Þeir sem fylgdust með lokaspretti leiksins voru flestir nánast orðlausir og það er erfitt að sætta sig við svona algjört klúður eins og lokamínúta leiksins var.

Íslenska liðið átti í vandræðum allan leikinn en virtist vera kominn með sigurinn í höfn þegar liðið var þremur mörkum yfir og minna en mínúta var eftir af leiknum.

Það er í raun óskiljanlegt að svona reynslumikið lið eins og íslenska liðið er geti gert hver byrjendamistökin á fætur öðrum. Það er ljóst að Guðmundur Guðmundsson, landsliðsþjálfari þarf að vinna mikið með kollinn á leikmönnum sínum fyrir Danaleikinn á laugardaginn.

Arnór Atlason var algjör yfirburðarmaður í íslenska liðinu en Róbert Gunnarsson nýtti líka færin sín vel og Alexander Petersson var grimmur í lokin.

Ólafur Stefánsson tók af skarið þegar íslenska liðið náði aftur forskoti í seinni hálfleik en fyrirliðinn gerði stór mistök á lokasprettinum og var nánast óþekkjanlegur stærsta hluta leiksins.

Tölfræði leiksins:

Austurríki - Ísland 37-37 (17-20)

Mörk Austurríkis (skot): Viktor Szilagyi 9 (13), Konrad Wilczynski 9/3 (15/4), Roland Schlinger 7 (9), Patrick Fölser 5 (6), Bernd Friede 4 (4), Robert Weber 2 (4), Markus Wagesreiter 1 (2), Vytautas Ziura (1), Lucas Mayer (1).

Varin skot: Nikola Marinovic 9 (43/2, 21%), Thomas Bauer 3 (6, 50%).

Hraðaupphlaup: 13 (Schlinger 4, Weber 2, Szilagyi 2, Wilczynski 2, Friede 2, Wagesreiter 1).

Fiskuð víti: 4 (Szilagyi 2, Schlinger 2).

Utan vallar: 8 mínútur.

Mörk Ísland (skot): Arnór Atlason 9 (13), Ólafur Stefánsson 7 (9), Róbert Gunnarsson 6 (6), Alexander Petersson 6 (7), Snorri Steinn Guðjónsson 5/2 (10/2), Guðjón Valur Sigurðsson 4 (7).

Varin skot: Björgvin Páll Gústavsson 13/1 (40/3, 33%), Hreiðar Guðmundsson 6 (16/1, 38%).

Hraðaupphlaup: 11 (Guðjón Valur 4, Arnór 2, Ólafur 2, Alexander 2, Róbert 1).

Fiskuð víti: 2 (Guðjón Valur 1, Róbert 1).

Utan vallar: 4 mínútur.

Dómarar: Dinu Sorin-Laurentiu og Din Constantin, Rúmeníu. Voru með heimadómgæslu af verstu gerð.

Leikurinn var í beinni á Vísi og má finn textalýsinguna hérna fyrir neðan.

Ísland-Austurríki 37-37 (20-17) - leik lokið:

Íslenska liðið þarf nú að vinna Dani í lokaleiknum til þess að tryggja sér sæti í milliriðlinum. Liðið hefur verið sinn versti óvinur í fyrstu tveimur leikjunum og það er ótrúlegt að sjá íslenska liðið henda frá sér sigri annan leikinn í röð.

Leik lokið: Íslenska liðið tókst á einhvern fáránlegan hátt að klúðra þessum leik niður í jafntefli. Ólafur Stefánsson gerði enn ein mistökin og Austurríkismenn skora í tómt markið úr hraðaupphlaupi eftir að Hreiðar Levý Guðmundsson markvörður hafði farið í skógarferð.

Mörk Íslands: Arnór Atlason 8, Ólafur Stefánsson 7, Alexander Petersson 6, Róbert Gunnarsson 6, Snorri Steinn Guðjónsson 6/2, Guðjón Valur Sigurðsson 4.

Austurríkismenn skoruðu tvö mörk á síðustu 23 sekúndunum.

37-37 Ólafur Stefánsson fær á sér skref og Austurríkismenn jafna og tryggja sér jafntefli.

37-36 Austurríkismenn minnka muninn í eitt mark. 20 sekúndur eftir.

Guðjón Valur lætur verja frá sér á línunni

37-35 Austurríkismenn minnka muninn, 46 sekúndur eftir.

37-34 Snorri Steinn skorar af línu eftir sendinu Ólafs

Ein mínúta og tólf sekúndur eftir og Ísland með boltann.

36-34 Austurríki skorar af línunni. Eina og hálf mínúta eftir.

36-33 Arnór Atlason með frábært langskot. Níunda markið hans og tvær mínútur eftir.

Ólafur Stefánsson lætur verja frá sér langskot en Hreiðar varði hinum megin úr horninu. Tvær og hálf eftir.

35-33 Austurríkismenn skorar enn á ný ýr hraðri sókn. 3 mínútur eru eftir af leiknum.

Alexander Petersson stelur boltanum en síðan er brotið á honum og ekkert er dæmt.

Dagur Sigurðsson tekur leikhlé þegar rúmar fjórar mínútur eru eftir. Ólafur Stefánsson hefur skorað mikilvæg mörk á síðustu mínútum eftir að hafa verið óþekkjanlegur framan af í leiknum.

35-32 Ólafur Stefánsson með langskoti

Hreiðar varði langskot og Ólafur náði frákastinu. Íslendingar eru með boltann þegar 4 og hálf mínúta eru eftir.

Austurríkismenn eru aftur með fullskipað lið.

34-32 Arnór Atlason skorar með langskoti, sitt áttunda mark. Fimm og hálf mínúta eftir.

Alexander Petersson fiskaði ruðning og við getum náð tveggja marka forustu.

33-32 Ólafur Stefánsson skorar með langskoti. Hann er kominn með sex mörk. 53:18 á klukkunni.

Austurríkismenn fá tvær mínútur fyrir brot á Alexander.

Ólafur Stefánsson fékk smá hvíld en er nú kominn inn aftur.

32-32 Austurríkismenn jafna aftur af línunni. Sjö og hálf mínúta eftir.

32-31 Alexander Petersson úr hraðaupphlauði eftir að Austurríksmenn misstu boltann. 8 og hálf mínúta eftir.

Snorri Steinn skýtur í slánna af línunni og Austurríkismenn fá boltann.

31-31 Austuríkismenn jafna af línunni

31-30 Ólafur Stefánsson úr langskoti. 10 mínútur eftir.

30-30 Austurríkismenn jafna úr hraðri sókn. 11 mínútur eftir.

Ólafur Stefánsson skýtur framhjá úr langskoti

11 og hálf mínúta eftir og Ísland getur komist tveimur mörkum yfir.

Hreiðar varði af línunni og Ísland fær boltann.

Tólf mínútur eftir af leiknum.

30-29 Snorri Steinn Guðjónsson skorar úr víti

Guðjón Valur fiskar víti eftir línusendingu frá Ólafi

Snorri Steinn með skot í varnarvegginn.

29-29 Austurríkismenn jafna úr víti. 14 mínútur eftir.

29-28 Guðjón Valur skorar úr hraðaupphlaupi. 15 mínútur eftir.

Hreiðar varði úr hraðaupphlaupi

Snorri Steinn lætur verja frá sér gegnumbrot

Hreiðar varði úr hægra horninu. Ísland getur komist aftur yfir þegar 16 mínútur eru eftir.

28-28 Ólafur Stefánsson skorar loksins með frábæru langskoti.

27-28 Ísland vinnur boltann en tapar honum strax og Austurríksmenn komast yfir úr hraðri sókn.

27-27 Róbert af línu eftir sendingu Arnórs. 18 mínútur eftir.

Hreiðar er kominn í markið hjá Íslandi.

26-27 Austurríki skorar úr horninu. 19 mínútur eftir af leiknum.

26-26 Alexander Petersson skorar úr horni eftir sendingu Ólafs

Leikhlé Guðmundar tókst vel í fyrri hálfleik en hvað gerist nú síðustu 20 mínúturnar í leiknum.

25-26 Austurríkismenn keyra á íslenska liðið og eru komnir yfir með sínu þriðja marki í röð. Guðmundur Guðmundsson tekur leikhlé.

Ólafur Stefánsson er í miklum vandræðum og er mjög ólíkur sjálfum sér.

25-25 Austurríkismenn jafna með langskoti.

Björgvin varði gegnumbrot en Austurríki fær aukakast.

Arnór skýtur í vörnina og Austurríkismenn geta nú jafnað.

25-24 Austuríki skorar úr víti. 39 mínútur liðnar.

Björgvin varði gegnumbrot en Austurríkismenn fá víti.

25-23 Róbert af línu eftir sendingu Arnórs. Átta mínútur liðnar af seinni.

24-23 Austurríkismenn skora með langskoti. Roland Schilinger með sjötta markið sitt.

24-22 Arnór Atlason með langskot, sjöunda markið hans. Hann er sá eini sem er að gera eitthvað í sókninni.

23-22 Austurríkismenn skora úr hraðaupphlaupi. 36 mínútur liðnar.

Snorri Steinn lætur verja frá sér langskot.

23-21 Austurríkismenn skorar úr gegnumbroti. Viktor Szilagyi er enn á ný á ferðinni.

23-20 Arnór skorar sitt sjötta mark í leiknum nú með langskoti. Fjórar mínútur liðnar af seinni.

22-20 Austurríkismenn skora úr horni í hraðri sókn. Mark Weber er búinn að skora tvö mörk í röð.

Guðjón Valur lætur verja frá sér á línunni.

22-19 Arnór lætur verja frá sér og Austurríki skorar úr hraðaupphlaupi

Björgvin varði úr horni

22-18 Snorri Steinn Guðjónsson skorar örugglega úr vítinu. Tvær mínútur búnar af seinni.

Róbert fiskar víti eftir línusendingu frá Arnóri. Fyrsta víti Íslands í leiknum.

21-18 Austurríkismenn skora úr langskoti. Viktor Szilagyi skorar sitt fimmta mark.

21-17 Róbert af línunni eftir sendingu frá Arnóri.

Ísland byrjar með boltann í seinni hálfleik.

Hálfleikur: Útlitið var ekki bjart þegar Austurríksmenn voru komnir þremur mörkum yfir en Guðmundur tók leikhlé og íslensku strákarnir svöruðu því með því að vinna síðustu tólf mínútur hálfleiksins 10-4. Arnór Atlason skoraði síðustu þrjú mörk Íslands í hálfleiknum og er markahæstur með fimm mörk.

Mörk Íslands í fyrri hálfleik: Arnór Atlason 5, Alexander Petersson 4, Guðjón Valur Sigurðsson 3, Ólafur Stefánsson 3, Róbert Gunnarsson 3, Snorri Steinn Guðjónsson 2. Björgvin Páll er búinn að verja 10 skot.

Arnór skýtur í slánna úr síðasta skoti fyrri hálfleiks.

20-17 Austurríkismenn skora.

Ísland er búið að skora 10-3 á síðustu 11 mínútum.

20-16 Arnór Atlason úr hraðaupphlaupi. Kominn með fimm mörk. Mínúta eftir.

19-16 Arnór Atlason, með langskoti, Fjórða markið hans í leiknum úr fimm skotum. Ein og hálf mínúta eftir.

18-16 Austurríkismenn skora úr gegnumbroti.

Bæði lið missa mann útaf. Ingimundur Ingimundarson var í slagsmálum á línunni.

18-15 Arnór með langskoti, 3 og hálf mínúta eftir

Snorri Steinn lætur verja frá sér langskot en Alexander Petersson nær frákastinu.

17-15 Austurríkismenn skorar úr víti. Konrad Wilxzynski er kominn með fimm mörk.

17-14 Alexander Petersson skorar með langskoti. Fjórða mark hans. Ísland er á 7-1 spretti.

Alexander Petersson fiskar tvær mínútur og nú er jafnt í liðum.

Björgvin varði frábærlega úr horninu

16-14 Arnór Atlason með langskoti

15-14 Austurríkismenn skorar af línunni en Björgvin var við það að verja. Sex mínútur eftir af fyrri hálfleik.

Björgvin varði úr horni en Austurríksmenn fá ódýrt aukakast og Ólafur Stefánsson er rekinn útaf í tvær mínútur.

15-13 Róbert af línunni eftir sendingu Arnórs. Fimmta íslenska markið í röð.

Austurríkismenn henda boltanum útaf vellinum og íslenska vörnin er búinn að ná takti - loksins. 23 mínútur liðnar

Dagur Sigurðsson tekur leikhlé þegar 22:10 eru búnar af fyrri hálfleik. Góður kafli hjá íslenska liðinu.

14-13 Alexander Petersson með gegnumbroti eftir hraða sókn.

Björgvin varði langskoti

Íslenska vörnin er vonandi að smella eftir slaka byrjun.

Ísland vann kaflann manni fleiri 2-0.

13-13 Guðjón Valur skorar úr hraðaupphlaupum annað markið í röð í tómt mark. 21 mínúta liðin.

12-13 Ólafur Stefánsson skorar úr hraðaupphlaupi í tómt markið.

Dagur Sigurðsson lætur markmanninn spila í sókn

11-13 Alexander Petersson skorar úr horninu eftir sendingu Ólafs

Róbert Gunnarsson fiskar tvær mínútur.

Það bragð að taka Ólaf Stefánsson út úr leiknum hefur gengið vel. 19 mínútur liðnar af leiknum.

10-13 Roland Schilinger skorar fjórða markið sitt og Guðmundur Guðmundsson tekur leikhlé. Þetta lítur ekki vel út.

Logi tapar botlanum og Austurríki getur komist þremur mörkum yfir.

10-12 Austurríkismenn skora enn á ný með gegnumbroti.

Logi Geirsson er kominn inn í íslensku sóknina í staðinn fyrir Arnór. Ísland fær á sig sóknarbrot.

Björgvin varði hraðaupphlaup eftir að Ólafur Stefánsson hafði tapað boltanum.

10-11 Austurríki skora af línu

10-10 Alexander Petersson skorar úr gegnumbroti - 16 mínútur liðnar

9-10 Austurríkismenn skora úr gegnumbroti. Íslenska vörnin er að opnast alltof auðveldlega.

Fyrri hálfleikur er hálfnaður og liðin eru búin að skora 18 mörk

9-9 Austurríkismenn skora með gegnumbroti hægra megin.

9-8 Róbert af línu eftir sendingu Arnórs úr hraðri sókn

8-8 Austurríkismenn skorar úr gegnumbroti

Róbert Gunnarsson fær á sig sóknarbrot

Austurríksmenn skjóta í slánna og Ísland getur komist tveimur mörkum yfir.

8-7 Ólafur Stefánsson skorar úr langskoti

Björgvin varði úr hraðaupphlaupi

Björgvin varði langskot

7-7 Arnór skorar úr hraðri sókn 11 minútur liðnar

6-7 Austurríkismenn skora aftur úr hraðri sókn. Þeir keyra enn á ný á íslenska liðið áður en það er búið að stilla upp í vörn

6-6 Snorri Steinn með langskoti, 10 mínútur liðnar

5-6 Austurríkismenn skora af línu

Níu mínútur liðnar og það er mikill hraði í upphafi leiks. Austurríkismenn spila hægar sóknir og keyra síðan hraðar sóknir þegar þeir vinna boltann.

5-5 Guðjón Valur úr hraðaupphlaupi efrir sendingu Björgvins

Björgvin varði langskot

4-5 Austurríkismenn skorar úr hraðri sókn 8 mínútur liðnar

4-4 Róbert af línu eftir sendingu Snorra Steins

3-4 Austurríkismenn skorar úr hraðri sókn 7 mínútur liðnar

3-3 Ólafur Stefánsson, langskot

2-3 Austurríkismenn skora, snúningsmark úr þröngri stöðu úr horninu

2-2 Guðjón Valur hraðaupphlaup eftir sendingu Björgvins

1-2 Snorri Steinn, langskot, 4 mínútur liðnar

0-2 3 mín Austurríki skorar úr hraðri sókn

Snorri Steinn lætur verja frá sér úr horninu

Björgvin varði langskot og Ísland fer í sókn

Ólafur Stefánsson er tekinn úr umferð og Arnór Atlason lætur verja frá sér fyrsta skotið.

0-1 2 mín - Björgvin varði vítið en Austurríki skoraði úr frákastinu

Austurríki fær víti í fyrstu sókn

Austurríkismenn byrja með boltann í leiknum.

Byrjunarlið Íslands (vörn): Guðjón Valur Sigurðsson, Arnór Atlason, Ingimundur Ingimundarson, Sverre Jakobsson, Alexander Petersson, Ólafur

Stefánsson. Björgvin Páll Gústavsson er í markinu.

Það er örugglega undarleg tilfinning fyrir Dag Sigurðsson að hlusta á íslenska þjóðsönginn sem andstæðingur.

Ólafur Guðmundsson hvílir aftur í kvöld og liðið er óbreytt frá því í fyrsta leiknum á móti Serbum.