Molinari heldur sínu strik í Kína

Ítalski kylfingurinn Francesco Molinari heldur sínu striki á HSBC golfmótinu í Kína en hann lék á 70 höggum á öðrum keppnisdegi mótsins. Samtals er Molinari á 9 höggum undir pari og er hann með eitt högg í forskot á Lee Westwood frá Englandi sem er efstur á heimslistanum þessa stundina. Tiger Woods hefur ekki náð sér á strik á mótinu.

Mótið er hluti af heimsmótaröðinni í golfi og átta af tíu efstu kylfingum heimslistans eru á meðal keppenda. Richie Ramsay frá Skotlandi deilir þriðja sætinu með Ernie Els og Jaco Van Zyl en þeir eru báðir frá Suður-Afríku.

Bandarísku kylfingarnir Tiger Woods og Phil Mickelson deila níunda sætinu á fjórum höggum undir pari þegar keppni er hálfnuð í Sjanghæ. Þjóðverjinn Martin Kaymer er á 3 höggum undir pari en hann getur með sigri á mótinu náð efsta sæti heimslistans líkt og þeir Woods og Mickelson.

Staða efstu manna:

Francesco Molinari - 9

Lee Westwood -8

Richie Ramsay -7

Ernie Els - 7

Jaco Van Zyl - 7

Luke Donald -6

Ross Fisher - 5

Seung-yul Noh -5

Tiger Woods -4

Phil Mickelson-4

Richard S. Johnson -4

Nick Watney -4

Richard Green -4

Padraig Harrington - 4

Robert Allenby -4

Fredrik Andersson Hed -4

Ian Poulter -4