Nylon-stelpurnar sluppu ómeiddar úr árekstri á hraðbraut

„OMG, þið eigið ekki eftir að trúa því hvað gerðist í dag!" skrifuðu stelpurnar í The Charlies, áður Nylon, á Facebook-síðu sína í gær.

„Við vorum á hraðbrautinni að koma af fundi og á leiðinni á annan þegar einhver gaur kemur og klessir HARKALEGA á okkur þannig að við hentumst á bílinn á undan ... Ekki fríka út ... Það er í góðu lagi með okkur! Sem er reyndar ekki hægt að segja um hinn bílinn því hann kramdist saman eins og harmonikka," skrifuðu þær einnig.

Stelpurnar héldu utan í síðustu viku og er stefnan sett á tónlistarbransann í Kaliforníu. Þær settu aðra færslu inn seinna um daginn þar sem þær ítrekuðu að þær væru ómeiddar. Þær sögðu þetta bara annan kafla í ævintýrinu og að þær hefðu fengið fína mynd af sér með vegalögreglunni.

Hér má heyra Ívar Guðmunds á Bylgjunni spjalla við stelpurnar áður en þær fóru út.