Eiginkonan sögð bera ábyrgð á áverkunum

Lögreglan á Flórída hefur enn ekki náð tali af kylfingnum Tiger Woods og eiginkonu hans varðandi bílslysið sem hann lenti í aðfararnótt föstudags. Þau ein eru til frásagnar um hvað gerðist í raun og veru en margt bendir til að áverkar í andliti kylfingsins séu ekki af völdum þess að Tiger keyrði á brunahana og tré.

Fréttavefmiðillinn TMZ kveðst hafa heimildir fyrir því að þau hjón hafi rifist heiftarlega skömmu fyrir slysið, í kjölfar slúðurblaðafrétta um meint framhjáhald Tigers og hafi eiginkonan valdið áverkunum.

Woods hjónunum er ekki skylt að ræða við lögregluna þar sem málið er meðhöndlað sem bílsys. Þau hafa nú í tvígang beðist undan yfirheyrslum en stefna á að ræða við lögregluna í dag.