Seðlabankafrumvarp skapar stjórnsýslubastarð

Þeir tveir seðlabankastjórar sem enn starfa, telja að ef frumvarp ríkisstjórnarinnar um yfirstjórn bankans verði að lögum skapi það stjórnsýslubastarð. Frumvarpið feli ekki í sér að Davíð Odsson þurfi að láta af störfum.

Seðlabankastjórarnir þrír komu fyrir viðskiptanefnd Alþingis í morgun. Í athugasemdum þeirra Davíðs Oddssonar og Eiríks Guðnasonar um frumvarpið segja þeir að engin fagleg rök séu færð fyrir því í frumvarpi ríkisstjórnarinnar um bankann að gera þurfi breytingar á yfirstjórn hans. Þeir voru hins vegar fámálir að loknum fundi.

Í umsögn bankastjóranna um frumvarpið segir að með því sé verið að leggja niður stöður tveggja almennra bankastjóra en ekki formanns bankastjórnarinnar eða aðalbankastjóra.