Burley kallaður á fund vegna hneykslismáls

George Burley þurfti í morgun að fara á fund forráðamanna skoska knattspyrnusambandsins til að ræða hneykslismálið sem skók skoska landsliðið skömmu fyrir sigurinn á Íslandi í gær.

Verður Burley beðinn um að koma með sína hlið á málinu. Hvað varð til þess að þeir Barry Ferguson og Allan McGregor gátu leyft sér að sitja lengi við drykkju á aðfaranótt sunnudags.

Burley rak þá úr landsliðinu í kjölfarið en ákvað svo að taka þá aftur inn í leikmannahópinn eftir að þeir báðust afsökunar.

Samkvæmt skoskum fjölmiðlum verður Burley einnig spurður af hverju hann ákvað að gefa þeim Ferguson og McGregor þó sæti á varamannabekknum í gær eftir allt sem á undan var gengið.

Gordon Smith, framkvæmdarstjóri skoska knattspyrnusambandsins, sagði að ganga þyrfti úr skugga um að slíkt mál gæti endurtekið sig.

„Ég veit af hverju hann tók þær ákvarðanir sem hann gerði. Hann hefur skýrt mér frá ástæðum þeirra. En nú munum við sitjast niður og fara yfir málið. Við munum ræða um hvernig tekið var á þessu máli," sagði Smith.