Kyrkti eiginkonu sína til sex mánaða

Tuttugu og sex ára gamall breskur maður hefur verið handtekinn, sakaður um að hafa kyrkt konuna sem hann kvæntist fyrir sex mánuðum.

Líkið af hinni tuttugu og fimm ára gömlu Victoriu Roberts fannst í bílskúr heimilis þeirra í Runcorn í Cheshire síðastliðinn fimmtudag.

Lögreglan var kvödd að heimilinu vegna grunsemda um að þar væri ekki allt með felldu.

Eiginmaðurinn Michael Roberts var ekki á staðnum og þótti ástæða til þess að lýsa eftir honum. Hann var svo handtekinn í norðurhluta Wales á sunnudag, eftir ábendingu frá almenningi.

Hann kemur fyrir dómara í dag.