Þjálfari Makedóníu sagði af sér

Srecko Katanec, landsliðsþjálfari Makedóníu í knattspyrnu, hefur sagt starfi sínu lausu, en hann hafði gegnt starfinu síðan árið 2006.

Katanec sagði starfsumhverfið sem knattspyrnusambandið hefði skaffað sér ekki nógu gott til að ná viðunandi árangri, en því hefur líka verið haldið fram að Katanec hefði átt í deilum við Goran Pandev, helstu stjörnu landsliðsins.

Makedóníumenn eru sem stendur í fjórða sæti 9. riðilsins í undankeppni HM þar sem liðið hefur þrjú stig eftir fjóra leiki.

Liðið byrjaði vel með sigri á Skotum heima, en eftir það fylgdu tvö töp gegn Hollendingum og tap fyrir íslenska landsliðinu.

Katanec er annar þjálfarinn í riðlinum sem látinn er fjúka eftir tap gegn Hollendingum, en áður var Age Hareide rekinn frá norska landsliðinu eftir skell gegn þeim appelsínugulu.