Línuvörður bjargaði lífi leikmanns

Það er ekki á hverjum degi sem línuverðir eru hetjur dagsins á knattspyrnuleikjum, en sú var sannarlega raunin á leik í efstu deild í Búlgaríu í gær.

Línuvörðurinn Plamen Georgiev bjargaði þá lífið búlgarska landsliðsmannsins Georgi Iliev eftir að hann hné niður og gleypti í sér tunguna eftir samstuð í leik Cherno More Varna og Lokomotiv Plovdiv.

"Ég kastaði bara frá mér flagginu og kom honum til aðstoðar," sagði Georgiev, sem hljóp inn á völlinn og togaði tunguna upp úr hálsinum á leikmanninum fyrir framan stjarfa eftirlitsmenn og leikmenn.

"Menn verða að fara varlega við þessar aðstæður, en ég hef gert þetta áður og hikaði ekki," sagði þessi röski línuvörður í samtali við fjölmiðla.

Iliev var fluttur á sjúkrahús með brákaðan kjálka, en sprelllifandi, þökk sé Georgiev.