Linköping tapaði á heimavelli

Margrét Lára Viðarsdóttir kom inn á í hálfleik í 0-1 tapi Linköping fyrir Kopparbergs/Göteborg á heimavelli í sænsku úrvalsdeildinni í dag en það dugði þó ekki Linköping til að jafna leikinn.

Margrét Lára kom inn fyrir miðjumann þegar staðan var orðin 0-1 fyri gestina í Kopparbergs/Göteborg. Kopparbergs/Göteborg er búið að vinna tvo fyrstu leiki sína á tímabilinu en liðið vann LdB FC Malmö í fyrstu umferðinni.

Margrét Lára hefur verið á varamannabekknum í tveimur fyrstu leikjum Linköping en fékk að spila einn hálfleik í dag eftir að hafa komið inn á 77. mínútu í fyrstu umferðinni þar sem Linköping vann 3-0 sigur á útivelli.